ലോകകപ്പ് പടിവാതിൽക്കൽ എത്തിനിൽക്കേ അർജന്റീനക്ക് കനത്ത തിരിച്ചടി

ലോകകപ്പ് പടിവാതിൽക്കൽ എത്തിനിൽക്കേ അർജന്റീനക്ക് കനത്ത തിരിച്ചടി

ലോകകപ്പ് തുടങ്ങാൻ വെറും ആറ് ദിവസങ്ങൾ മാത്രം ബാക്കിയിരിക്കെ അർജന്റീനയ്ക്ക് തിരിച്ചടി. അർജന്റീനയുടെ ഫോർവേഡ് മാനുവൽ ലാൻസിനി പരിക്കേറ്റതാണ് അർജന്റീന ക്യാമ്പിൽ നിരാശ പടർത്തിയിരിക്കുന്നത്.

താരത്തിന് ലോകകപ്പ് നഷ്ടമാകുമെന്ന് അർജന്റീന ഔദ്യോഗികമായി സ്ഥിതീകരിച്ചു. മുട്ടിനേറ്റ പരിക്കാണ് ലാൻസിനിക്ക് വില്ലനായത്. ഇന്ന് പരിശീലനത്തിനിടെ ആയിരുന്നു ലാൻസിനിക്ക് പരിക്കേറ്റത്.വെസ്റ്റ് ഹാം യുണൈറ്റഡ് താരമായ ലാൻസിനി മികച്ച ഫോമിലായിരുന്നു.

ലാൻസിനിക്ക് പകരം ഒരു താരത്തെ അർജന്റീനയ്ക്ക് പകരം കൊണ്ടുവരാം. അവസാന 23ലേക്ക് ഇക്കാർഡിക്ക് ഇതു വഴിതെളിയിക്കുമോ എന്നും കാത്തിരുന്നു കാണാം. ആരാകും ലാൻസിനിക്ക് പകരക്കാരനായി എത്തുക എന്ന് ഇതുവരെ സാമ്പോളി തീരുമാനിച്ചിട്ടില്ല.